ዘጠነኛው የኢትዮጽያውያን ቀን በቦስተን በድምቀት ተከበረ!መጪውን የኢትዮጽያ ዘመን መለወጫ በዓልንም በድምቀት ለማክበርም ከወዲሁ ዝግጅቱ ተጧጡፏል።

ዘጠነኛውን የኢትዮጽያዊያን ቀን በቦስተን ዝግጅትን በታቀደው መሰረት ለማከናወን ና ከዚህ ቀደም አከባበሮች በተሻለ ይበልጥ ለማሳመር የMESA( የማሳቹሴት ኢትዮጽያዊያን ድጋፍ ስጪ ማህበር) ቅድመ ዝግጅቱን የጀመረው ከሥስት ወራት በፊት ነበር።

Aug 3/2024 የቦሰተን ኢትዮጽያዊያን ቀን መከበሪያ ዕለት ግን የወጣችው ፀሀይ "ሁለት ሳትሆን አትቀርም " የምታሰኝ ነበረች። በዕለቱ የነበረው የሙቀት መጠን "ለጉድ ነው " የተባለለት ነበር። ኢትዮጽያዊያን ግን "ሦስተኛ ፀሀይ እኛ ነን" ያሉና ፉክክር የያዙ ይመስል እንደፀሐይቱ ሞቅ ደመቅ ብለው ወደ በዓሉ ማክበሪያ ስፍራ ከመምጣት አልታቀቡም ።

የቀደመ ልምዶቹን ይዞ መላ አባላቶቹን ለዘጠነኛ ጊዜ የሚዘጋጀውን ኢትዮጽያዊያን ቀን የተዋጣለት እንዲሆን ያንቀሳቀስቅው MESA ( የማሳቹሴት ኢትዮጽያዊያን ድጋፍ ሰጪ ማህበር)ም ከከካንብሪጅ የከተማ አስተዳደር ፣ከዳኒ ፓርክ ኅላፊዎች ፣ ከፓሊስና ሌሎች የሚመለከታቸው አካላት ጋር በተደረገ መተጋገዝ የዘንድሮው የኢትዮጽያዊያን ቀን "ኢትዮጽያዊነት ማንነቴ ነው" በሚል ታላቅ መሪ መፈክር ጥላ ሥር በታቀደለት መልኩ እንዲከበር በማድረግ በኩል ሰምሮለት ታይቷል።

በቦስተን የኢትዮጽያዊያን በዓል ቀን የዳኒ ፓርክ ግማሽ ክፍል በአረንጓዴ ፣ቢጫና ቀይ ህብረ ቀለም የኢትዮጽያ ባንዲራ አሽብርቆ፣ በኢትዮጽያዊያን እደ ጥበብ ባለሙያዎች በተዘጋጁ ሀገር ልብሶች በተዋቡ እናቶች ፣አባቶችና የኢትዮጽያ ልጆች ደምቆ መዋል ግድ ሆኖቦት ነበር።በዚህም "ኢትዮጽያዊነት ማንነቴ ነው" የሚለው መሪ ቃል በተግባ ሲከወንበትንበት ውሎ አምሽቷል።

በዚሁ በዓል ላይ ኢትዮጽያዊነትን ፣ፍቅር ሰላም ና ወንድማማችነትን የሚያበለፅጉ ለህፃናት ፣ ለ ወጣቶችና ለአረጋዊያን የሚሆኑ ጫወታዎች ፣ የውድድር መንፈስ የሚፈጥሩ የሩጫና የእግር ኳስ ውድድሮች የተካሄዱ ሲሆን በተለይ በአራት ምድብ የተከፈሉ የአዋቂዎች እግርኳስ ጫወታ ተካሂዶ የሞልደን አካባቢን የወከለው ቡድን ዋንጫውን በክብር ማንሳት ችሏል።

በዘንድሮው የኢትዮጽያዊያን ቀን ላይ ትልቅ ትኩረት ያገኘው የቦስተን የእግር ክስ ስፖርት ቡድን ነበር። በዘንድሮው አመት በአትላንታ ተካሂዶ በነበረው. የመላው ኢትዮጵያዊያን የሰሜን አሜሪካ ስፖርት ቶናመንት በአንደኛ ዲቪዚዮን የእግር ኳስ ውድድር ላይ ተሳትፎ ሶስተኛ በመውጣት ወንጫ ይዞ የተመለስው ለወደፊትም ትልቅ ተስፋ የተጣለበት ይህ የቦስተን እግር ኳስ ቡድን በበዓሉ ላይ ከፍተኛ ምስጋና ተችሮታል።

ከዚህ በተጨማሪም የቦስተን እግር ኳስ ቡድን የረጅም ዓመት ዕድሜና ዝና ካለው የቦስተን ስፖርት ማህበር የተለያዩ ሽልማቶችን ተቀብሎ ለበለጠ ውጤትና ሃላፊነት በርትቶ ለመስራት ሌላ የቤት ስራ በታዳሚው ፊት ተቀብሏል።

ይህው የእግር ኳስ ቡድን በቅርቡም በቦስተን ዮኒቲ ካፕ (unity Cap )በተሰኘ ውድድር ላይ ተሳትፎም 2ኛ በመውጣት ጠንካራ ተፎካካሪነቱን ያስመሰከረ መሆኑ ታውቋል።

አንጋፋው የቦስተን ስፓርት ማህበር ሽልማት ካዘጋጀላቸው ተቋማት አንዱ MESA(የማሳቹሴት ኢትዮጵያዊያን ድጋፍ ስጪ ማህበር) ነበር ።

ለረጅም አመት ከፓለቲካና ከዘር ተፅኖብ ነፃ ሆኖ ኢትዮጽያዊያንን በማቀራረብ ፣ በማስተባበር ኢትዮጽያዊ ማንነትን ለማጎልበት ያከናወናቸውን ተጨባጭ ሥራዎቹን ከግምት ውስጥ በማስገባት የተበረከተውንም ይኸን ሽልማት የማሳቹሴት ኢትዮጽያዊያን ድጋፍ ሰጪ ማህበር አመራር አካላት በክብር ተቀብለዋል።

በዘንድሮው የኢትዮጽያዊያን ቀን ለህፃናትና ለወጣቶች ትኩረት በመስጠት በየእድሚያቸው መጠን የተከፋፋለ የሩጫ ውድድር እንዲያድርጉ ያሽነፉትም እንዲሽለሙና ለወደፊት እንዲበረታቱ ተደረጓል።

በተለይ ህፃናት በዚህ መድረክ በመጠቀም የአገራቸው የኢትዮጽያን ሰንደቅ አላማ፣ ሰላም፣ ፍቅርን ፣ የተፈጥሮና የማህበረሰብን ቁርኝት የሚገልፁ ስዕሎችን በመሳል የወደፊት ህልምና ኪሂሎታቸውን የገለፁ ሲሆን ለዚህም ከዕለቱ የበዓሉ ታዳሚዎች አድናቆት ተችሯቸዋል። የተለያየ የማበረታቻ ሽልማቶችም ተበርክቶላቸዋል ።

የማሳቹሴት ኢትዮጽያዊያን ድጋፍ ሰጪ ማህበር ወጣቶች በትምህርታቸው ላይ ትኩረት እንዲያደርጉ ለማበረታታት ለተኪዎቻቸው አርያ ከሚሆኑበት መንገድ አንዱ ይሆናል በማለት በተለያየ ደረጃ በዘንድሮው አመት ለኮሌጅ መሰናዶ ወደሚያደርጉበት የትምህርት ተቋማት የተሽጋገሩትን ና ከኮሌጅ የተመረቁትን ኢትዮጽያዊያን ወጣቶች በአደባባይ እንዲበረታቱ የሚዳሊያ ሽልማት ስነስርዓት እንዲከናውንላቸው አድርጓል።

ይህም የታዳጊዎቹ የተደረገ "የእንኳን ደስ አላችሁ" የማበረታቻ ሽልማት ቤተሰቦቻቸውና በሥፍራው በተገኙ ኢትዮጵያዊያን ሁሉ አድናቆት ከማግኘቱ ባሻገርም ብዙዎች " ይበልጥ ተጠናክሮ መቀጠል የሚገባው ድንቅ ተግባር ነው " ሲሉ አወድሰውታል።

በባዕሉ ላይ በኢትዮጽያ ረጅም ዘመን ታሪክ ባላቸው ሥፍራዎች ስም የተሰየሙ ጊዚያዊ መንደሮችም ተዘጋጅተው ነበር። በነዚህ መንደሮች አቅራቢያ" እስኬው ሽው ሽው' በሚል ስያሜ የጫማ ማሳመር ሥራ ላይ የተሰማሩ የማሳቹሴት ኢትዮጵያዊ ን ድጋፍ ሰጪ አባሎች ነበሩ ። ለፈጠራ ሥራቸውና ላደረጉት ጥረት ምስጋና ሲያንሳቸው ነው ተብሎላቸዋል።

እነዚህ አባሎች በትህትና እና በፍጹም ፍቃደኝነት በበዓሉ ላይ የታደሙ ኢትዮጽያዊያንን ጫማ ሲያሳምሩና እግረ መንገድም ኮሌጅ ለሚገቡ ተማሪዎች ድጋፍ የሚሆን ገንዘብ ሲያሰባስቡበት የነበረውት መንገድ የብዙዎቹን የበዓሉ ታዳሚዎች ያስደመመና በፍቃደኝነት ጫማቸውን እያስጠረጉ ልባቸው የፈቀደውን ያህል ገንዘብ እንዲያዋጡ አስተዋፅኦ ያደረገበት መንገድ የብዙዎችን ትኩረትና ምስጋና ቅባሎትንም አግኝቷላቸው ታይቷል።

አብዛኛው የበዓሉ ታዳሚዎችም "እንዲህ መሰል ፈጠራዎች ወደፊትም መለመድና መቀጠል አለባቸው" በማለት አስተያየታቸውን ሲሰጡ ነበር።

በበዓሉ ላይ የሀገር ባህል ምግብና መጠጥ. ያቀረቡ ፣ የአገር ልብስና በኢትዮጽያዊያን ዘንድ የሚፈለጉ የተለያዩ ምርቶች ይዘው የቀረቡ 18 ያህል የምርትና ሌሎች የተለያዩ አገልግሎት ሰጪ ድርጅቶች ምርቶቻቸውን ለገበያ በማቅረብ ለባዐሉ ተጨማሪ ውበት ና ድምቀት ስጥተውት ውለዋል። በበዓሉ መጨረሻ ለተለያዩ ተሽላሚዎች ሽልማቱን የሰጡት የረጅም ጊዜ የማሳቹሴት ኢትዮጽያዊያን ድጋፍ ሰጪ ማህበር አባል የሆኑት ወሮ ትዕግስት አንጋጋው በዕለቱ በእግር ኳስ ቡድኖች መካከል የዋጫ ተሽላሚ ለሆነው ለሞልደን አካባቢ ሰፓርት ቡድን ዋንጫ ከሸለሙ በኋላ ባደረጉት አጭር ንግግር " በልጃቸው በዶክተር ባየህ ተስፋ ስም ለእዚህ ዝግጅት ስፓንሰር የሆኑ መሆናቸውን ጠቅሰው ወደፊትም በማንኛውም መልኩ የበለጠ ድጋፍ እንደሚያደርጉ ቃል ገብተዋል።

በሌላ በኩል በማሳቹሴት የኢትዮጽያዊያን ድጋፍ ሰጪ ማህበር አባል በመሆን ታላቅ አስተዋፅኦ ሲያደርጉ የቆዩት ከዚህ አለም በዕረፍተ ሞት የተለዮት አቶ ታለ ከበደ የትዳር አጋር የሆኑት ወሮ ቃልኪዳን አዘነ በባዐሉ ላይ በመታደም በተለያየ ውድድር ላሸነፉ ተሳታፊዎች ሽልማቶችን ስጥተዋል።

"ኢትዮጵያዊያነት ማንነቴ ነው " በሚል በተከበረው በዚህ አመታዊ የኢትዮጵያውያን በዓል ላይ በአገራችን ደቡብ ክልል በደረስው የመሬት መንሽራተት አደጋ ህይወታቸውን ላጡ ኢትዮጽያዊያን የህሊና ፀሎት ተደርጓል።

በባዕሉ ማገባደጃም በልምላሜ፣ በተስፋና መስዋዕትነት በሚወከለው ሰንደቃችን አረንጓዴ ፣ቢጫና ቀይ ህብር የተዘጋጁ ቮሎኖች በመልቀቅ ለቀጣዩ አመት የኢትዮጽያዊነት ቀን ባዐል በስላም፣ በፍቅር ፣ በጤና ያድርሰን የሚሉ ቀና ምኞትና መልዕክቶች ተላልፈዋል።

የማሳቹሴት ኢትዮጽያዊያን ድጋፍ ሰጪ ማህበር( MESA) በኢትዮጽያዊያን ቀን በዓሉ ዕለት የነበረው ከፍተኛ ሙቀት ሳይበግራቸው በበዕሉ ላይ ለታደሙ ኢትዮጽያዊያን በሙሉ፣በዕለቱ ኢትዮጽያዊነትን የሚያገኑና የሚያወድሱ ዜማዎችን ለታዳሚው ሲያስደምጥ ለዋለው ለዲጄ አቤልብርሃኑ ፣ የተለያየ ምርታቸውን ይዘው የሀገር ባህልን በማስተዋወቅ በዓሉን ላደመቁ አገልግሎት ሰጪዎች፣ ለካምብሪጂ ፓሊስ፣ ለዳኒ ፓርክ አስተዳደር ያለውን ከፍተኛ አክብሮትና ምስጋና በተደጋጋሚ ገልጧል።

በሌላ በኩል መጪው የኢትዮጵያ አዲስ ዘመን መለወጫ ( የእንቁጣጣሽ ) የበዓል አከባበርን በተመለከተ MESA (የማሳቹሴት ኢትዮጽያዊያን ድጋፍ ሰጪ ማህበር ) ከወዲሁ የሚያስፈልገውን ቅድመ ዝግጅት ማጠናቀቁን አረጋግጦ የዘንድሮው ዓመት የኢትዮጽያዊያን አዲስ አመት ቅዳሜ Sep14/2024 በሪቬር ማሳቹሴት ( Revere, MA) በታላላቅ ድምቀት እንደሚከበር ና የዝግጅቱን ስዓትና አጠቃላይ ሁኔታን ግን በቀጣይ ለቦስተን ና ለአካባቢዋ ነዋሪዎ ኢትዮጽያዊያን በተለያዩ የማህበራዊ የመገናኛ መንገዶች አሳውቃለሁ ብሏል።